१९९७:— भारतीय लेखिका अरुंधती रॉय यांच्या द गॉड ऑफ स्मॉल थिंग्ज या कादंबरीला साहित्य क्षेत्रात प्रतिष्ठेचा समजला जाणारा बुकर पुरस्कार मिळाला.
१९९३:— अफ्रिकन नॅशनल काँग्रेसचे नेते नेल्सन मंडेला आणि दक्षिण अफ्रिकेचे अध्यक्ष एफ. डब्ल्यू. डी. क्लर्क यांना शांततेसाठीचा नोबेल पुरस्कार जाहीर.
१९८४:— आर्च बिशप डेसमंड टुटू यांना शांततेचा नोबेल पुरस्कार जाहीर.
१९७५:— बांगलादेशातील रहिमा बानू ही २ वर्षांची मुलगी ही देवी रोगाचा शेवटचा रुग्ण ठरली.
१९७३:— हेन्री किसिंजर आणि ली डक यांना शांततेचा नोबेल पुरस्कार जाहीर.
१९३२:— टाटा एअरलाइन्सचे पहिले उड्डाण झाले. जे. आर. डी. टाटा यांनी हे विमान कराचीहुन मुंबई येथे आणले व नागरी विमानसेवेची सुरुवात केली. याच कंपनीचे पुढे राष्ट्रीयीकरण होऊन एअर इंडिया ही कंपनी अस्तित्त्वात आली.
१९१७:— पहिले महायुद्ध - जर्मनीसाठी हेरगिरी केल्याबद्दल डच नर्तिका माता हारी हिला पॅरिसजवळ गोळ्या घालून मृत्युदंड देण्यात आला.
१८८८:— गोपाळ गणेश आगरकर यांनी सुधारक पत्राची सुरूवात केली.
१८७८:— एडिसन इलेक्ट्रिक लाईट कंपनीचे काम सुरू झाले.
जन्म
१९३१:ए. पी. जे. अब्दुल कलाम— भारतीय एरोस्पेस शास्त्रज्ञ आणि भारताचे अकरावे राष्ट्रपती; क्षेपणास्त्र विकासातील योगदानासाठी प्रसिद्ध — भारतरत्न, पद्मविभूषण, पद्मभूषण, इंदिरा गांधी राष्ट्रीय एकात्मता पुरस्कार
(निधन: २७ जुलै २०१५
)
निधन
२०२५:पंकज धीर— हिंदी चित्रपट आणि दूरदर्शन अभिनेते; ‘महाभारत’ मालिकेतील कर्णाच्या भूमिकेमुळे लोकप्रिय
(जन्म: ९ नोव्हेंबर १९५६
)
२०२५:मधुमती— भारतीय नृत्यांगना आणि अभिनेत्री; हिंदी, मराठी, पंजाबी तसेच इतर भाषांतील चित्रपटांत नृत्य प्रसिद्ध
२०२२:के. मुरारी— भारतीय चित्रपट निर्माते
(जन्म: १४ जून १९४४
)
२०२०:भानु अथैया— वेशभूषा डिझाईनर — राष्ट्रीय चित्रपट पुरस्कार
(जन्म: २८ एप्रिल १९२९
)